ສະຖາບັນຝຣັ່ງ ປະຈຳ ລາວ [fr]

ສະຖາບັນຝຣັ່ງ ໄດ້ລວມເອົາຫຼາຍວຽກງານທັງດ້ານວັດທະນະທຳ ແລະ ການສິດສອນ ມາໄວ້ຢູ່ບ່ອນດຽວ ຈຸດປະສົງກໍ່ເພື່ອເພີ່ມທະວີການນຳໃຊ້ພາສາຝຣັ່ງ ໃນ ສປປ ລາວ.

1- ຂໍ້ມູນທົ່ວໄປ

JPEG « ສູນພາສາຝຣັ່ງ », ເປີດຢ່າງເປັນທາງການໃນປີ 1994 ໂດຍທ່ານ Jacques Chirac, ຕໍ່ມາໃນປີ 2011 ໄດ້ປ່ຽນຊື່ມາເປັນ « ສະຖາບັນຝຣັ່ງ ປະຈຳ ລາວ » ຊຶ່ງຕັ້ງຢູ່ນະຄອນຫຼວງວຽງຈັນ ແລະ ມີສາຂາຢູ່ແຂວງຫຼວງພະບາງ.
ສະຖາບັນຝຣັ່ງ ເປັນສະຖານທີ່ໜຶ່ງດຽວທີ່ຕັ້ງຢູ່ໃຈກາງເມືອງນະຄອນຫຼວງວຽງຈັນ, ມີສວນສວຍງາມ, ມີການຈັດການຮຽນ-ການສອນພາສາຝຣັ່ງ, ອັງກິດ ແລະ ລາວ, ມີລາຍການກິດຈະກຳດ້ານວັດທະນະທຳທີ່ຫຼາກຫຼາຍ (ການສະແດງລະຄອນເວທີ, ຄອນເສີດ, ສາຍຮູບເງົາ, ຈັດກອງປະຊຸມປາຖະກະຖາໃນຫົວຂໍ້ຕ່າງໆ), ມີຫ້ອງສະໝຸດທີ່ມີປື້ມຫຼາກຫຼາຍ ຫຼາຍກວ່າ 20 000 ຫົວ, ມີຫ້ອງສະແດງລະຄອນທີ່ສາມາດຮອງຮັບຜູ້ຊົມໄດ້ 100 ຄົນ ແລະ ມີຮ້ານອາຫານ (ກາເຟ ສີໜຸກ).
ສະຖາບັນຝຣັ່ງຍັງມີສາຂາຕັ້ງຢູ່ນະຄອນຫຼວງພະບາງ ເມືອງທີ່ຖືກຈົດທະບຽນເປັນມໍລະດົກໂລກໂດຍອົງການຢູແນສໂກ. ສະຖາບັນຝຣັ່ງສາຂານະຄອນຫຼວງພະບາງ ຕັ້ງຢູ່ໃນຕຶກອາຄານທີ່ຖືກຈົດຖະບຽນເປັນມໍລະດົກໂລກ ຊຶ່ງມີການຈັດການຮຽນ-ການສອນພາສາຝຣັ່ງ ແລະ ລາວ, ຈັດງານວາງສະແດງຮູບພາບ, ຈັດກອງປະຊຸມ, ການສະແດງ ແລະ ສາຍຮູບເງົາສຳລັບເດັກນ້ອຍ.
ເນື່ອງຈາກວ່າ ປະເທດລາວ ແລະ ຝຣັ່ງ ມີສາຍພົວພັນອັນແໜ້ນແກ່ນ ແລະ ການນຳໃຊ້ພາສາຝຣັ່ງໃນລາວກໍ່ມີມາຍາວນານ, ສະຖາບັນຝຣັ່ງ ຈຶ່ງໃຫ້ສິດທິພິເສດແກ່ເວທີສົນທະນາດ້ານວັດທະນະທຳ, ການພົບປະແລກການສ້າງສັນຜົນງານດ້ານສິນລະປະຂອງຝຣັ່ງ ແລະ ລາວ.
ນອກຈາກນີ້, ໃນສະຖາບັນຝຣັ່ງ ຍັງມີ ຫ້ອງການ CampusFrance, ທີ່ໃຫ້ການຊ່ວຍເຫຼືອນັກສຶກສາລາວທີ່ຕ້ອງການໄປສຶກສາຕໍ່ລະດັບສູງຢູ່ປະເທດຝຣັ່ງ.

2- ເປົ້າໝາຍ

ສະຖາບັນຝຣັ່ງ ປະຈຳ ລາວ ໄດ້ກາຍເປັນອົງກອນຈຳເປັນຂອງກົນໄກການຮ່ວມມື ໃນ ສປປ ລາວ ຢ່າງຫຼີກລ້ຽງບໍ່ໄດ້ ແລະ ມີເປົ້າໝາຍດັ່ງຕໍ່ໄປນີ້ :

  • ຈັດການຮຽນ-ການສອນພາສາຝຣັ່ງ, ເພີ່ມທະວີວຽກງານຝຣັ່ງໂກໂຟນີ ກໍ່ຄື ເພີ່ມທະວີບົດບາດຂອງວຽກງານດັ່ງກ່າວໃນການພັດທະນາ,
  • ສົ່ງເສີມການພົບປະແລກປ່ຽນໃນການສ້າງສັນຜົນງານດ້ານສິນລະປະຂອງລາວ ແລະ ຝຣັ່ງ ດ້ວຍການຈັດຕັ້ງປະຕິບັດບັນດາກິດຈະກຳດ້ານວັດທະນະທຳ ທັງໃນ ແລະ ນອກສະຖານທີີ່, ຈັດເວີກຊັອບ, ຈັດການຝຶກອົບຮົມ ແລະ ແລກປ່ຽນໃນທຸກຂະ ແໜງການ,
  • ຈັດການພົບປະ, ກອງປະຊຸມ, ການປາຖະກະຖາ ກ່ຽວກັບ ການພັດທະນາແບບຍືນຍົງ ແລະ ບັນຫາທາງດ້ານສັງຄົມ (ດິຈີຕອລ, ສາທາລະນະສຸກ, ມໍລະດົກ ແລະ ອື່ນໆ).

3- ຕິດຕໍ່

ຕິດຕາມຂໍ້ມູນຂ່າວສານກ່ຽວກັບສະຖາບັນຝຣັ່ງ ປະຈຳ ລາວ ໄດ້ທີ່ :
http://www.if-laos.org/?lang=lo
https://www.facebook.com/institut.francaisdulaos

ຕິດຕໍ່ສອບຖາມຂໍ້ມູນເພີ່ມຕື່ມໄດ້ທີ່ : info[a]if-laos.org ຫຼື cours[a]if-laos.org(ນະຄອນຫຼວງວຽງຈັນ), luangprabang[a]if-laos.org (ຫຼວງພະບາງ)

JPEG - 185.6 ko
ສະຖາບັນຝຣັ່ງ ປະຈຳ ລາວ (ນະຄອນຫຼວງວຽງຈັນ)

ດັດແກ້ຄັ້ງຫຼ້າສຸດ 08/02/2019

ກັບໄປດ້ານເທິງ