ຂໍວີຊາໄປປະເທດຝຣັ່ງ

France-visas ແມ່ນ ເວັບໄຊດຽວ ທີ່ມີ ຂໍ້ມູນທຸກຢ່າງ ທີ່ຈຳເປັນ ເພື່ອຊ່ວຍທ່ານ ໃນແຕ່ລະຂັ້ນຕອນການຂໍວີຊາ (ການກະກຽມເອກະສານ, ການພິຈາລະນາ, ການຍື່ນ ແລະ ຕິດຕາມຄຳຮ້ອງຂໍວີຊາ).

ການຂໍນັດເພື່ອມາຍື່ນຄຳຮ້ອງຂໍວີຊາ ຈະໄດ້ເປີດຄືນນັບແຕ່ວັນຈັນ ທີ 29 ມີຖຸນາ 2020 ເປັນຕົ້ນໄປ ສຳລັບ ປະເພດບຸກຄົນ ດັ່ງຕໍ່ໄປນີ້ ເທົ່ານັ້ນ :

• ນັກສຶກສາ (ທີ່ຈະໄປຢູ່ໄລຍະສັ້ນ ແລະ ໄລຍະຍາວ) ;
• ຜູ້ທີ່ມີເຫດຜົນຈຳເປັນດ້ານອາຊີບ (ທີ່ຈະໄປຢູ່ໄລຍະສັ້ນ ແລະ ໄລຍະຍາວ) ;
• ຜູ້ທີ່ມີເຫດຜົນຈຳເປັນທາງຄອບຄົວ (ທີ່ຈະໄປຢູ່ໄລຍະຍາວ) ;
• ຜູ້ທີ່ຖືເອກະສານອານຸຍາດພັກເຊົ່າ (ບັດອານຸຍາດພັກເຊົ່າ ຫຼື VLS-TS) ທີ່ໝົດອາຍຸຫຼັງວັນທີ 15 ມີຖຸນາ

ບຸກຄົນຂ້າງເທິງນີ້ ໃນວັນທີ່ເຂົ້າມາຍື່ນເອກະສານຂໍວີຊາ ຕ້ອງໄດ້ປະຕິບັດມາດຕະການປ້ອງກັນການຕິດເຊື້ອ ເຊັ່ນ : ລ້າງມືດ້ວຍເຈວລ້າງມື ແລະ ວັດອຸນຫະພູມຮ່າງກາຍ ຢູ່ປະຕູທາງເຂົ້າສະຖານທູດ. ຖ້າຫາກອຸນຫະພູມຮ່າງກາຍສູງກວ່າ 38°c ແມ່ນຈະບໍ່ໄດ້ຮັບອານຸຍາດໃຫ້ເຂົ້າພາຍໃນສະຖານທູດ.

ສຳລັບປະເພດບຸກຄົນອື່ນໆທີ່ບໍ່ໄດ້ລະບຸໄວ້ຂ້າງເທິງນີ້ (ໂດຍສະເພາະບຸກຄົນທີ່ຕ້ອງການຂໍວີຊາທ່ອງທ່ຽວໄລຍະສັ້ນ) ແມ່ນໃຫ້ລໍຖ້າກ່ອນ ຈົນກວ່າຈະມີປະກາດໃຫ້ເປີດຮັບຄຳຮ້ອງຂໍວີຊາທຸກປະເພດຄືນເປັນປົກກະຕິ.

ເພື່ອປະກອບເອກະສານຂໍວີຊາໃຫ້ຄົບຖ້ວນສາກ່ອນ, ໃນຂັ້ນຕອນທີສອງ ຈື່ງມາຍື່ນເອກະສານຂໍວີຊາຢູ່ສະຖານທູດຝຣັ່ງ ປະຈຳ ລາວ.
ກາລຸນາເຂົ້າເບິ່ງລະບຽບການໃໝ່ກ່ຽວກັບການຂໍນັດເຂົ້າຍື່ນຄຳຮ້ອງຂໍວີຊາ

ຂັ້ນຕອນການຂໍວີຊາ

ທ່ານຕ້ອງການວີຊາແມ່ນບໍ່ ?

ຍ້ອນມີ ຕົວຊ່ວຍໃນການຂໍວີຊາ, ເວັບໄຊFrance-visas ຈະຊ່ວຍທ່ານກຳນົດປະເພດຂອງວີຊາທີ່ທ່ານຕ້ອງການ ໂດຍອີງຕາມແຕ່ລະກໍລະນີ. ເວບໄຊດັ່ງກ່າວ ຍັງໄດ້ລະບຸລາຍການເອກະສານຢັ້ງຢືນຕ່າງໆທີ່ຈະຕ້ອງໄດ້ປະກອບໃສ່ຄຳຮ້ອງຂໍວີຊາ ພ້ອມທັງລະບຸຄ່າທຳນຽມວີຊາ.

ຕື່ມຄຳຮ້ອງຂໍວີຊາທາງອອນລາຍ.

ພາຍຫຼັງທີ່ທ່ານໄດ້ກວດກາເບິ່ງແລ້ວ ແລະ ທ່ານຕ້ອງການຂໍວີຊາ, ທ່ານສາມາດຕື່ມ ຄຳຮ້ອງຂໍວີຊາທາງອອນລາຍ. ລະບົບຈະສັ່ງໃຫ້ທ່ານສ້າງບັນຊີ ແລະ ຈະຊ່ວຍທ່ານດຳເນີນການຂໍວີຊາແຕ່ຂັ້ນຕອນທຳອິດຈົນຮອດຂັ້ນຕອນສຸດທ້າຍ.

ຍື່ນເອກະສານທີ່ພະແນກວີຊາ.

ພາຍຫຼັງທີ່ທ່ານໄດ້ຕື່ມຄຳຮ້ອງຂໍວີຊາທາງອອນລາຍເປັນທີ່ຮຽບຮ້ອຍແລ້ວ, ທ່ານກໍ່ພຽງແຕ່ໄປຍື່ນເອກະສານທີ່ພະແນກວີຊາ ຂອງສະຖານທູດຝຣັ່ງ ປະຈຳ ລາວ. ເວບໄຊ France-visas ສະໜອງຂໍ້ມູນທຸກຢ່າງທີ່ຈຳເປັນ ເພື່ອໃຫ້ທ່ານໄດ້ຮູ້ວ່າ ພົວພັນໃຜ ແລະ ຍື່ນຄຳຮ້ອງຂໍວີຊາແນວໃດ.

ຕິດຕາມຄຳຮ້ອງຂໍວີຊາ.

ພາຍຫຼັງທີ່ໄດ້ຍື່ນເອກະສານຂໍວີຊາແລ້ວ, ກົດເຂົ້າຕິດຕາມຄວາມຄືບໜ້າຂອງຄຳຮ້ອງຂໍວີຊາ, ທ່ານຈະໄດ້ຮູ້ວ່າ ສາມາດມາເອົາໜັງສືຜ່ານແດນຄືນໄດ້ເວລາໃດ ແລະ ແນວໃດ ແລະ ກຽມຕົວເດີນທາງໄປປະເທດຝຣັ່ງ.